Daku nga oportunidad ang ginhatag ni Gov. Vic Tanco para sa mga kabataan nga nagakadapat mag- agum sang edukasyon.

           May 734 na ka estudyante ang naka- agum sining nasambit nga programa nga nagahamdum makabulig sa mga pigado apang maalam nga mga kabataan nga luyag magpadayon sa sekondarya.

            Suno sa hepe sang Provincial Social Welfare and development office nga si Violeta Silva, padayon ang ila pagpatuman sang programa sa banwa sang Pilar, President Roxas, Maayon, Tapaz kag Jaminda, para sa pagpaseguro sang maayo nga implementasyon sang nasambit nga programa.

           Ang ini nga programa gina implementar pinaagi sa information- dissemination campaign sang Capiz Provincial Press Bureau kag sang katapo sang media sa probinsya sang Capiz.

            Sa bulig Municipal Social Welfare and Development Officer kag mga Brgy kapitan sang natungdan nga mga banwa, ang PSWDO ang nagapatigayon sang oryentasyon sa kada munisipyo.

            Ang iskolar sang Capiz nag- umpisa sa 103 ka iskolar sang tuig 2008 kag nagdaku ini tungod sang handum sang Gobernador nga makabulig sa pagtuon sang mga kabataan.